Ұстаз -ұлы тұлға

№221 негізгі орта мектебінде ұстаздар мерекесі қарсаңында білім беру саласының дамуына қосқан елеулі үлесі және еліміздің болашақ иелеріне сапалы білім, өнегелі тәрбие берумен қатар қоғамдық жұмыстарға белсене араласқаны үшін облыстық кәсіподақ комитетінің Құрмет грамотасымен, Қызылорда облысының білім беру саласын дамытудағы еңбегі үшін төсбелгімен орыс тілі мен әдебиеті пәнінің мұғалімі Жоланова Зура, аудандық білім қызметкерлері кәсіподақ комитетінің Алғыс хатымен музыка пәнінің мұғалімі Серібаева Баян мен кітапханашы Төлекбаева Бибіхан, білім беру саласындағы шығармашылық жұмыстармен қатар "Алтын белгі" иегерлерін дайындаудағы қажырлы еңбегі үшін бастауыш сынып мұғалімі Үсенова Баянға "Біркөлік" шипажайына жолдама табысталды. Өркениеттің өріне қадам басып, дамудың даңғыл жолына түскен Сыр өңірінің білім саласында адал қызмет етіп, жас ұрпақты оқыту мен тәрбиелеудегі еңбегі мен қоғамдық жұмыстардағы белсенділігі үшін "Нұр Отан" партиясының Алғыс хатымен тарих-география пәнінің мұғалімі Байдулла Мөлдір марапатталды.