«Сыңғырла, соңғы қоңырау»

«Сыңғырла,  соңғы қоңырау»  

Адамгершілік құндылықтары берік негізі бар нәтижеге бағдарланған жан-жақты тұлға қалыптасуына бағыт-бағдар беру; туған жеріне, мектебіне, ұстаздарына, ата-аналарына деген сүйіспеншілік, ризашылық сезімін дамыту; Қазақстандық патриотизмді қалыптастыру, елжандылыққа тәрбиелеу мақсатында №221 жалпы орта білім беретін мектебінде 1 маусым күні 2022—2023 оқу жылын қорытындылау барысында «Сыңғырла, соңғы қоңырау»  тақырыбында соңғы қоңырау мерекелік  кеші болды.  Кеште алғашқы  сөз сөйлеген  мектеп директоры Н. Үсенұлы, мектеп директорының оқу ісі жөніндегі  орынбасары Б.Жоланов,  бейінді оқыту жөніндегі орынбасары Б.Нысанбаев, ұлағатты ұстаз Н.Шораевалар оқушыларға ыстық лебіздерін білдіріп,  құттықтау сөзін айтты. 

 Кеш барысында  Мектеп директоры Нариман Үсенұлы шәкірттерін білім нәрімен сусындатып, тәлім — тәрбие берген, жақсы қасиеттерді бойына дарытып, үлкен белестерді бағындырған, оқушылары жеңіс тұғырынан көрінген, республикалық, облыстық және  аудандық  пәндік олимпиадалардан   орын алған ұстаздарды марапаттап,  осы оқу жылын үздік бітірген  шәкірттерге  мақтау қағазын табыс етті.