Курстан алған әсермен

Жаңақорған ауданында 17 -28 қазан аралығында «Өрлеу» БАҰО» АҚ филиалы Қызылорда облысы бойынша кәсіби даму институты 10-11-сыныптарда «Қазақ тілі» мен «Қазақ әдебиеті» (Т1)  пәні бойынша педагогтердің базалық және пәндік құзіреттілігін дамыту» тақырыбында қазақ тілі мен әдебиеті пәні мұғалімдеріне  №110 мектеп-лицейі базасында  біліктілікті арттыру курсы өтті Курсты аға оқытушы Мария Айтбайқызы Орманова жүргізді. Курс аясында  мәтін лингвистикасы, мәтін талдау(коммуникативтік дағды түрлері), көркем шығарманы оқыту және талдау, әдебиет теориясы, әдеби тіл нормалары т.б.тақырыптары теория мен тәжірибе ұштастырыла отырып игерілді.Сабақты өтудің өзін С1,С2,С3,С4 бағытында жүргізу бір жүйеліліктің көрсеткіші болғанын атап өткен жөн. 

     Курс аясында Мария Айтбайқызының ұйымдастыруымен  Қазақстан халық жазушысы Әзілхан Нұршайықовтың 100 жылдығына орай "Ақиқат пен аңыз" роман -диологіндегі  Бауыржан  батыр бейнесі " тақырыбындағы кітап оқырмандар конференциясында курс тыңдаушылары ұтымды ойлары мен сындарлы пікірлерін ортаға салды. 

     Курсты ұйымдастырушы  «Өрлеу» біліктілікті артыру орталығына және  тренер Мария Айтбайқызы Ормановаға алғыс айтамыз. Өздерінің  кәсіби біліктілігі мен  шығармашылығын , ізденістерін көрсете білген   курс тыңдаушыларына  Алғыс хат пен Құрмет грамотасы табысталды.