"Өзге тілдің бәрін біл, өз тіліңді құрметте" атты тілдер онкүндігі

№221 негізгі орта мектебінде 5-14 қыркүйек аралығында Қазақстан халқы тілдерінің күніне орай  «Өзге тілдің  бәрін біл,  өз тіліңді құрметте » атты тілдер  онкүндігі болып өтті. Онкүндік үш тілде жүргізілді. Онкүндікте қазақ, орыс, ағылшын тілдерінде интеллектуалды сайыстар, байқаулар өткізілді, үштілділікке, латын графикасына байланысты іс–шаралар  ұйымдастырылды. Аталған он күндік барысында апталықтың өте жоғары дәрежеде өтуіне атсалысқан жауапты мамандар орыс тілі мен әдебиеті пәнінің мұғалімі Жоланова Зура, қазақ тілі мен әдебиеті пәнінің мұғалімі Бердіқожаева Меруерт және ағылшын тілі пәнінің мұғалімі Алдабергенова Ақмарал оқушылар арасында әртүрлі сайыстар мен байқауларды өткізді.14 қыркүйек күні « Өзге тілдің  бәрін біл, өз тіліңді құрметте» атты мерекелік кеш өтті. Кешті мектеп директорының орынбасары Б. Жоланов ашып берді. Кеш ән мен биге жалғасып, қазақ тілін құрметтеу, ардақтау, ана тілдің қасиетін дарыта білу мақсатында көрініс қойылды.   Кеш соңында тілдер онкүнідігінің қорытындысы болды. Қазақ тілі мен әдебиеті пәнінің мұғалімі М. Бердіқожаева, орыс тілі мен әдебиеті пәнінің мұғалімі З. Жоланова, ағылшын пәнінің мұғалімі   А. Алдабергенова « Өзге тілдің   бәрін біл,  өз тіліңді құрметте » атты тілдер  онкүндігіне белсенді қатысып, жақсы нәтиже қөрсеткен оқушыларды марапаттады.