"Асық party"

Қазақтың ұлттық ойындарын насихаттау және ата-ана мен бала арасындағы сүйіспеншілік пен махаббатты арттыру мақсатында "Асық party"  асық атудан отбасылық сайыс өтті. 

Асық ойыны - баланың жастайынан ой-қабілетін шыңдап, дәлдікке, ептілікке, ширақтылыққа, ұстамдылыққа, алғырлыққа тәрбиелеген. Бұл ойын ертеден мал шаруашылығымен айналысқан ата-бабаларымыздың қолданысында келе жатқан көне ойын түрі. Ендеше көнеден келе жатқан ұлттық ойынның бүгінгі таңдағы өрісін кеңейту, жас ұрпаққа қайта жаңғырту біздің қолымызда. Осындай құндылығы жоғары жарыста мектебімізден іріктелген 5 команда бақ таласты.  Нәтижесінде "Төленбаевтар" отбасы жүлделі І орынға, "Рашидиновтар" отбасы ІІ орынға,  "Нысанбаевтар"  отбасы ІІІ орынға ие болса,  "Нұрмағанбетовтер" отбасы мен "Мұсаевтар"  отбасы белсене қатысқаны үшін  ынталандыру сыйлықтарымен марапатталды. Қатысушы командаларды құттықтай отырып,  алғыс білдіреміз!    

 Бала болашағы үшін ата-анамен өткен әрбір уақыт маңызды, бағалы.