5 ҚЫРКҮЙЕК-ҚАЗАҚСТАН ХАЛҚЫ ТІЛДЕР МЕРЕКЕСІ

«Тілі жоғалған ұлттың өзі де жоғалады» деп халқымыздың тағдыры үшін, тілі үшін күрескен, қазақ әліпбиінің негізін салған Алаштың ардақтысы Ахмет Байтұрсынұлының туған күнімен тұспа-тұс тойланады. Сондықтан осынау атаулы күнге тіл мерекесін үйлестіріп, атап өтудің маңызы мен мәні зор.

221 жалпы орта білім беретін мектебінде "Тілге құрмет-елге құрмет " атты мерекелік кеш өтті. Кеш барысында оқушылар үш тілде әндер орындап, мың бұрала биледі. 

Сонымен қатар "Тілге құрмет-елге құрмет" апталығы аясында "Ұлт ақыны -Шәкәрім"  тақырыбында шығармашылық байқау ұйымдастырылды.Ш Құдайбердіұлының 165 жылдық мерейтойына орай ұйымдастырылған шарада оқушылар   өлең, эссе, әңгіме жазды. Қорытындысы апталықты  қорытындылау барысында  айтылады.

Халқымызда «Тіл – ұлттың тірегі» деген салмақты сөз бар. Ендеше, тірегімізге тіреу болайық, Тәуелсіздігімізге сүйеу бо­лайық. Мемлекеттік тіліміздің мәртебесі арта берсін!