Бастауыш бірлестігінің семинары

№221 жалпы орта білім беретін  мектебінде 2023 жылдың 12 сәуір күні бастауыш сынып бірлестігінің ұйымдастыруымен 

"Оқыту мен оқудағы жаңа әдіс-тәсілдер"  тақырыбында мектепішілік семинар өткізілді. Семинардың мақсаты:  Білім беру мен білім алудағы жаңа тәсілдер туралы түсініктер қалыптастыру,  оқыту сапасын жақсарту үшін жаңа әдістерді тиімді пайдалануға бағыт беру.

Семинар барысында бастауыш сынып мұғалімі Ж. Ташимова 4-сыныпқа Әдебиеттік оқу пәнінен "Арман арқалаған бала" тақырыбында ашық сабақ өтті.  "Құпия ұяшық"  әдісі арқылы оқушыларды топқа бөлді.  Сабақ барысында "Телескоп",  "Біліміңді қолдан",  "Менің айтарым бар" әдістері жүзеге асып,  өз нәтижесін берді. "Зымыран"  әдісі арқылы кері байланыс жасады. Оқушылар сабаққа белсене қатысып,  қызығушылық танытты.

Бастауыш сынып мұғалімі Ж. Каимова   "Тиімді әдіс-тәсіл, сапалы сабақ кепілі"  тақырыбында коучинг өтті.  Коучинг мақсаты:  Оқыту мен оқудағы әдіс-тәсілдердің түрлерімен таныстыру,  әдіс-тәсілдерді сабақпен ықпалдастыру және тәжірибе алмасу. Коучинг барысында мұғалімдер жеке және топтық тапсырмалар орындап, өзара қызу пікірталас жүргізіп,  ойларын ортада өрбітті.