Ашық тәрбие сағаты "Тұғыры биік тұлғалар"

Мектебіміздің 6-сыныбында "Тұғыры биік тұлғалар" тақырыбында ашық тәрбие сағаты болып өтті. Ашық тәрбие сағатының негізгі мақсаты білім алушыларға танымал тарихи тұлғаларды таныстыра келе, аяулы тұлғаларды қастерлей білуге, олардың өмір жолдарынан, қызметінен өнеге алуға тәрбиелеу. Өз өлкесін танып біліп, өркенді, өнегелі азамат болуына ықпал ету. Сынып бөлінген үш топ бойынша үйге берілген "Өнегелі ғұмыр: тарихи тұлғалар" тақырыбында тапсырмаларын ізденімпаздықпен орындап, өздеріне берілген "Ауылдағы тарихи тұлғалар", "Ауданымыздағы тарихи тұлғалар", "Облысымыздағы тарихи тұлғалар" тақырыптарында презентация, постер, бүктемелерін қорғап шықты. Білім алушылар тапсырмаларды шығармашылықпен орындағандары көрініп тұрды. Тәрбие сағаты барысында білім алушылар өз өнерлерін көрсетті және өздерінің ой-пікірлерімен бөлісті. Тәрбие сағаты жоғары дәрежеде өтіп, мұғалімдердің өте жақсы деген бағасын алды.