"Сабақты зерттеу (Lesson Study) тәсілінің білім сапасын арттырудағы маңызы" семинар

28 ақпан 2020 жылы №221 негізгі орта мектебінде "Сабақты зерттеу (Lesson Study) тәсілінің білім сапасын арттырудағы маңызы" тақырыбында семинар болып өтті. Семинардың мақсаты: оқушыларды оқытуға көңіл аудара отырып, оқытуды жетілдіру және оның сапасын арттыру құралы ретінде қауымдастық мүшелеріне "Сабақты зертте (Lesson Study)" тәсілін ұсыну болды. Семинарға аудандық білім бөлімінің маманы А.Рыспанбетова мен Қызылорда облысы "Педагогикалық шеберлік орталығының" маманы Абдраманова Жібек қатысты. Семинар басында келген қонақтарды күтіп алып, мектебімізідің педагог-психологы Сейтова Гүлзада тренинг жүргізді. Тренинг барысында келген қонақтар екі топқа бөлініп, алғашық екі сабаққа енді. Семинарда бір шеберлік сағатын информатика пәні мұғалімі Садыбаева Назкен 5-сыныпқа "Жандандырылған графика" тақырыбында, үш зерттеу сабағын ағылшын тілі пәнінің мұғалімі Алдабергенова Ақмарал 6-сыныпқа "Er-Tostik", Бастауыш сынып мұғалімі Үсенова Баян 3-сыныпқа "Ә.Қоңыратбаев "Балуан"", физика пәнінің мұғалімі Жиембаева Гүлмира 8-сыныпқа "Электр тогының жұмысы мен қуаты. Джоуль-Ленц заңы" тақырыптарында өткізді. Үш зерттеу сабағында үш "Lesson Syudy" тобы жұмыс жасап, семинарға келген әріптестерге сабақты зерттеудің қыр-сырын көрсетті. "Педагогикалық шеберлік орталығының" маманы Абдраманова Жібек сабақты зерттеуге байланысты өз ойларын ортаға салды. Семинар соңында "Сабақты зерттеу арқылы бірлескен оқу ортасын қалыптастыру" тақырыбында келген қонақтармен бірге дөңгелек үстел өткізілді. Семинар өте жоғары дәрежеде өтіп, келген қонақтардың жоғарғы бағасын алды.