Қош келдің, Әз-Наурыз

Мектебімізде 18 наурыз Ұлыстың ұлы күні-Наурыз мерекесіне арналған "Қош келдің, Әз-Наурыз” атты мерекелік кеш ұйымдастырылды. Мерекелік кешімізді Жаңақорған ауданының білім бөлімінің басшысы Бекжан  Шахизатұлы және мектеп директоры Нариман Үсенұлы,ауыл ақсақалы Муслимов Тілеухан ата  құттықтау сөздерімен бастады.  Мектеп оқушылары ұлттық дәстүрден көрініс көрсетіп, ұлттық нақышта әндер айтып, ұлттық биден тарту етіп, ұлттық киімдер үлгісін көрсетіп, ұлттық салт-дәстүрді кеңінен насихаттады.

Мерекелік кештің шымылдығы күмбірлеген күймен ашылып, шашу шашу салтымен жалғасын тапты.

Ұлттық әдет-ғұрып пен салт-дәстүрден сыр шертетін көріністер көрсетілді.

Ұлттық ойындар ойнатылып,мереке жалғасын тапты.

Қыстан аман-есен шығып, мал тұяғы көкке, аузымыз аққа ілініп, ұлтымыздың Жаңа жылы мектебімізде осылай тойланды. Барлығының көңіл-күйі керемет! 

Ұлтымыздың мерейін өсіріп, бар болмысымызды айшықтайтын қасиетті – Наурыз мерекесі елімізге, әрбір отбасына бірлік пен қуаныш, құт - береке, бақыт пен молшылық әкелсін!

Әріптестерімізді, ата-аналарды, шәкірттерімізді ұлыстың ұлы күнімен құттықтаймыз.

Жаңа жылымыз жаңа табыстарға жетелесін!