Жырлайды жүрек

Бүгін  суретінің астына анықтауышты қажет етпейтін, ақиық ақын,  әр өлеңі бір әлем, қандай теңеу айтсақ та  теңдессіз ақын, поэзия мұзбалағы М.Мақатаевтың  туған күні.  Осы орайда  √221 жалпы орта білім беретін мектебінде  пән мұғалімі М.Бердихожаева мен мектеп кітапханашысы Б.Тулекбаеваның ұйымдастыруымен  ақиық ақынға арналған "Жырлайды жүрек "атты  оқырмандар конференциясы  ұйымдастырылды. 

Оқушылар ақын өмірі, шығармашылығы бойынша ойларымен бөлісті. Шара мақсаты – артындағы ұрпағына салып кеткен соқпағы, сара жолымен алдағы армандарға апарар асқақ үні бар, ерекше болмысымен еліктірер  Мұқағали Мақатаевтың өмір жолын ой елегінен өткізе отырып, әр тыңдаушы зердесіне тоқыта білу. Мақсат орындалды. Нәтиже алдағы уақыт еншісінде.Ана тілінің қамқоршысы әрі жанашыры болған Мұқағали Мақатаев қазақ халқымен мәңгі жасай бермек.