Түзету-дамытушылық тренинг "Бесінші сынып дегеніміз не?"

№221 негізгі орта мектебінде 5-сынып оқушыларын бастауыш буыннан орта буынға өту кезіндегі бейімделуін психологиялық сүйемелдеу мақсатында «Бесінші сынып дегеніміз не?» тақырыбында  түзету-дамыту тренинігі 17.09.2019 жылы болды. 5-сыныпта 7 оқушы тренингке қатыстырылды. Педагог-психолог Г.Сейтова тренинг барысында оқушыларға мақсаты мен міндеттері, сабақтың барысы таныстырып, оқушыларды тренингке жұмылдырды. Тренинг ережелері құрастырылды. «Есім және гүл» жаттығуында оқушылар өз есімдерін кім және не үшін қойғанын стикерлерге жазып, гүл жасады. «Сөйлемді жалғастыр» ойынында  «Оқушының жолы» суретіне қарап отырып, бірінші сыныптан бесінші сыныпқа дейінгі қызықты оқиғаларымен бөлісті. Ойын соңында психолог қызықты және оптимистік пікірлерді  атап өтіп,   енді алдағы сыныптарда оқу жеңіл болатынына үміттендірді. «Кім нені?» жаттығуына оқушылар белсене қатысты. 

Педагог-психолог Г.Сейтова