"Әл-Фараби және Отырар өркениеті" суретшілер байқауы

№221 негізгі орта мектебінде 15-қаңтар күні «Әл-Фараби және Отырар өркениеті» тақырыбында барлық сынып оқушыларының арасында сурет байқауы өтті. Мақсаты: Ұлы өркениет философы Әбу Насыр әл-Фарабидің рухани әлемін, көпқырлы және бай мұраларын, шығармашылықтарының мән-мағынасын ашуға, негізгі ойды суреттерімен жеткізе білуге жетелеу. Өз өлеңдері арқылы айтпақ болған ойларын бейнелеуге үйрету.

Шығыстың ғұлама ойшылы, математик, астролог, музыка теоретигі, Аристотельден кейінгі екінші ұстаз атанған Әбу Насыр Әл-Фарабидің өмірі, еңбектері туралы оқушыларға айтылды. Сондай-ақ биылғы 2020 жылы "Әлемнің екінші ұстазы" атанған Әбу Насыр Әл-Фарабидің 1150 жылдығы ЮНЕСКО көлемінде аталып өтетіні де тілге тиек етілді. Оқушылар арасында Әл-Фараби атамыздың өлеңдерін нақышына келтіре мәнерлеп оқығандары да болды. Байқауға қатысқан барлық оқушылардың еңбектері бағаланды.