Пікірталас-жанжал емес

Жаңақорған ауданында    N 221 жалпы орта мектебінде 8-сынып оқушыларымен 26 қазан 2022 жылы педагог-психолог Г.Сейтованың ұйымдастыруымен "Пікірталас-жанжал емес" тақырыбында психокоррекциялық тренингі өтті. Мақсаты сенімділік тәжірибесін толықтыру, құрбыларымен кикілжіңсіз өзара сыйласымды қарым-қатынас жасауға дағдыландыру. Сабақты оқушылар әртүрлі көңілді сәлемдесуден бастады және  тренинг ережесін құрастырып, сабақтың тиімді, қызықты өтуіне белсенділік танытты.  Сауалнамаға жауап бере отырып, сауалнама сұрақтарына тренинг барысында жаттығулар орындау арқылы жауап таба білді, топтық кеңес жүргізілді. Эмоцияға берілген әрбір адам қарсы беттің пікірін тыңдауға құлықсыз болатыны, керісінше,  салмақты, сабырлы, өзін-өзі ұстай алатын адамның жеңіске жететінін  оқушылар жете түсінгенін пікірлерінде айтып өтті. Кері байланыс кезінде түзету-дамытушылық тренинігінен  алған жақсы әсерлерімен бөлісті.