"Балдырған" күндізгі тынығу лагері

221 жалпы орта білім беретін мектебінде 7-маусым күні "Балдырған" күндізгі тынығу лагеріне таңертең оқушылар қабылданып, жоспар бойынша жұмыстар ұйымдастырылды. Бұл күнгі іс-шарада "Сиқырлы айна" ойыны, "Ертегілер әлемі" сахналау, "Допты тез жеткіз" ойындары болды.

   Мақсаты: Баланың зейіні мен байқампаздығын жетілдіру, ертегіні көңілді қабылдауға, сахналауға талпыну, допты дәлдеп тигізу, әрі әр түрлі дене қимылдарын жетілдіру. 

   "Сиқырлы айна" ойынында ойыншылар жұптарға бөлінеді. Жұптағы бір ойыншы-айна. "Айна" екінші ойыншының жұптағы барлық қимылын синхронды түрде қайталайды. Содан кейін олар орындарын ауыстырады.

"Ертегілер әлемі" кезеңінде балалар бірнеше ертегіні тыңдап, өздеріне ұнаған "Мысық пен тышқандар" ертегісін сахналады. 

   "Допты тез жеткіз" ойынында балалар топқа бөлініп, топ мүшелері сызық бойына тұрады, бір-біріне арқасымен екі қадам арақашықтықта тұрады. Екінші топта дәл осылай орналасып, допты кезектесіп жоғары, кішкене ілгері қарай лақтырады. Екінші топта осылайша кезектесіп, өз доптарымен белгіленген мақсатқа тигізу керек. Қай топ допты көп тигізсе, сол топ жеңімпаз атанады. 

Топ жетекшілері: Г.Төлекова, Б. Үсенова